ຫວຽດນາມ-ຍີ່ປຸ່ນ ເຊື່ອມຕໍ່ຍຸດທະສາດເພື່ອພັດທະນາເສດຖະກິດ
ຕາມຂ່າວສານ ຊີນຮວາ ລາຍງານວັນທີ 8 ມີນານີ້ວ່າ: ທ່ານ ເວືອງດີງເຫວະ ປະທານ ສະພາແຫ່ງຊາດ ຫວຽດນາມ ໄດ້ໃຫ້ການຕ້ອນຮັບຜູ້ຕາງໜ້າສະ ຫະ ພັນອົງການເສດຖະກິດ ຍີ່ປຸ່ນ (Keidanren) ທີ່ເດີນທາງມາຢ້ຽມຢາມ ແລະ ເຮັດວຽກຢູ່ຫວຽດນາມ ເນື່ອງໃນໂອກາດສະເຫຼີມສະຫຼອງ 50 ປີວັນສ້າງ
ຕັ້ງ ສາຍພົວພັນການ ທູດຫວຽດນາມ-ຍີ່ປຸ່ນ (21/9/1973-21/9/2023). ໂອກາດດັ່ງກ່າວ, ທ່ານ ເວືອງດີງເຫວະ ໄດ້ກ່າວຄືນເຖິງການພົວພັນເປັນຄູ່
ຮ່ວມມືຍຸດທະສາດຮອບດ້ານບົນພື້ນຖານຄວາມໄວ້ເນື້ອເຊື່ອໃຈດ້ານການເມືອງລະຫວ່າງສອງປະເທດ, ເພື່ອແນໃສ່ສືບຕໍ່ຊຸກຍູ້ການຮ່ວມມືດ້ານການຄ້າ ແລະ ການລົງທຶນ. ນອກນີ້, ທ່ານປະທານສະພາແຫ່ງຊາດຫວຽດນາມ ຍັງໄດ້ຢືນຢັນໃຫ້ຄຳໝັ້ນສັນຍາວ່າ: ສະພາແຫ່ງຊາດກໍຄືລັດຖະບານຫວຽດນາມ ຈະ
ສືບຕໍ່ ປັບປຸງສະພາບເງື່ອນໄຂໃນການລົງທຶນ, ດຳເນີນທຸລະກິດໃຫ້ສົມບູນແບບ, ກຳນົດກົດໝາຍ ແລະ ນະໂຍບາຍຕ່າງໆໃຫ້ລະອຽດຮັດກຸມ, ສືບຕໍ່ສ້າງ
ຄວາມ ເຂັ້ມແຂງທາງດ້ານການຍາດແຍ່ງທາງດ້ານເສດຖະກິດ, ສ້າງເງື່ອນໄຂສະດວກໃຫ້ບັນດາວິສາຫະກິດ ແລະ ນັກລົງທຶນ, ເຊິ່ງກວມເອົາທັງນັກລົງທຶນ
ຕ່າງປະເທດທີ່ມາລົງທຶນທຳການຜະລິດ ແລະ ດຳເນີນທຸລະກິດຢູ່ ຫວຽດນາມ. ໃນການຜັນຂະຫຍາຍຈັດຕັ້ງປະຕິບັດຂໍ້ລິເລີ່ມຮ່ວມລະຫວ່າງ ຫວຽດນາມ
-ຍີ່ປຸ່ນ, ທ່ານປະທານສະພາແຫ່ງຊາດໄດ້ສະເໜີ ໃຫ້ມີການຮັດແໜ້ນການພົວພັນຮ່ວມມືລະຫວ່າງສອງປະເທດ ຄື: ເຊື່ອມຕໍ່ຍຸດທະສາດການພັດທະນາພື້ນ
ຖານເສດ ຖະກິດ, ປັບປຸງກົດໝາຍ ແລະ ນະໂຍບາຍລະຫວ່າງສອງປະເທດ; ການຮ່ວມມືພັດທະນາພື້ນຖານໂຄງລ່າງທີ່ລວມທັງພື້ນຖານໂຄງລ່າງການຫັນ
ເປັນດິຈິ ຕອນ, ການປັບຕົວໃຫ້ແທດເໝາະກັບການປ່ຽນແປງຂອງດິນຟ້າອາກາດ, ການຫັນປ່ຽນພະລັງງານຢ່າງຍຸຕິທຳ; ເຊື່ອມຕໍ່ເພີ່ມທະວີຄວາມສາມາດ
ຜະລິດ ຂອງແຕ່ລະປະເທດໂດຍຜ່ານການເຊື່ອມຕໍ່ວິສາຫະກິດ ເພື່ອສ້າງຕ່ອງໂສ້ການຜະລິດ ແລະ ການສະໜອງສິນຄ້າພາຍໃນພາກພື້ນ ແລະ ສາກົນ, ການ
ເຊື່ອມ ຕໍ່ພັດທະນາຊັບພະຍາກອນມະນຸດ.
ແຫຼ່ງທີ່ມາ: ໜັງສືພິມກອງທັບ
ວັນທີ 14/03/2023